Կանայք սիրում են իրենց տանջել զանազան դիետաներով և ուզում են հնարավորիս արագ արդյունքի հասնել: Թե ինչպես կարելի է նիհարել 3 օրում, կներկայացնենք ստորև.
Օր առաջին
Առավոտյան անկողնուց դեռ վեր չկացած անհրաժեշտ է խմել ½ լիտր ջուր: Այն հարկավոր է հավաքված թունավոր նյութերը օրգանիզմից դուրս բերելու համար: Դրանից հետո անցեք նախաճաշ պատրաստելուն:
Նախաճաշի համար պատրաստեք ըմպելիք` բաղկացած
1 թեյի գդալ կակաոյից
1 թեյի գդալ մեղրից
200 մլ եփած կաթից:
Աշխատեք, որպեսզի մինչև կեսօր ընդունած չգազավորված ջրի ծավալը կազմի 1 լիտր:
Ճաշին կարող եք պատրաստել եփած կամ խորոված անյուղ ձուկ (մոտ 200 գրամ): Որպես համեմունք կարող եք օգտագործել լիմոն և մի քիչ ձիթապտղի յուղ: Ձուկը կարող եք փոխարինել նույն քանակությամբ հավի, 150 գրամ տավարի կամ անյուղ խոզի մսով: Որպես գարնիր կարող եք պատրաստել 300 գրամ բանջարեղենային սուպ: Կարևոր է պահանջ է աղի բացակայությունը:
Ճաշից մի քանի ժամ հետո կարող եք ուտել անյուղ և ոչ քաղցր յոգուրտ`1 թեյի գդալ մեղրով: 16.00-ին կարող եք հյութ խմել` 1 քամած կիտրոնին ավելացրեք 1 թեյի գդալ մեղր և 250 մլ ջուր: Այս ըմպելիքը էներգիայի լավ աղբյուր է և նվազեցնում է ախորժակը:
Ընթրիքին պատրաստեք բանջարեղենային արգանակ:
1.5 լիտր ջուր
1 կգ սոխ
500 գրամ գազար
500 գրամ լոլիկ
քիմիոնի սերմ
Քնելուց առաջ կարող եք ուտել անյուղ և ոչ քաղցր յոգուրտ`1 թեյի գդալ մեղրով:
Օր երկրորդ
Մինչև կեսօր խմեք
1.5 լիտր ջուր
2 թուրինջից պատրաստած հյութ
0.5 լիտր բանջարեղենային արգանակ
Առաջին օրվա նախաճաշի համար պատրաստած ըմպելիքից:
16.00-ին յոգուրտ և առաջին օրը պատրաստած կիտրոնի ըմպելիք: Դրանք ընդունեք երկու ժամ տարբերությամբ:
Ճաշին եփեք կամ ջեռոցում դրեք 200 գրամ անյուղ ձուկ: Որպես գարնիր կերեք բանջարեղենից պատրաստած արգանակ:
Քնից առաջ կերեք անյուղ և ոչ քաղցր յոգուրտ`1 թեյի գդալ մեղրով:
Օր երրորդ
Առավոտյան անկողնուց դեռ վեր չկացած անհրաժեշտ է խմել ½ լիտր ջուր:
Նախաճաշին կարող եք ուտել թուրինջ, 15 րոպե անց կաթից և կակաոյից ըմպելիք` պատրաստած առաջին օրվա բաղադրատոմսով:
Մինչև կեսօր խմեք 1 լիտր չգազավորված հանքային ջուր:
Մինչև ճաշը անյուղ կաթնաշոռը (մոտ 250 գրամ) խառնեք անյուղ ոչ քաղցր յոգուրտի ու 1 թեյի գդալ մեղրի հետ և կերեք:
15.00-ին կարող եք ուտել մեկ չորամիրգ:
17.00-19.00-ն անհրաժեշտ է խմել կիտրոնի հյութ` պատրաստած առաջին օրվա բաղադրատոմսով:
Ընթրիքին` միս կամ ձուկ` բանջարեղենային արգանակով` պատրաստած առաջին օրվա բաղադրատոմսով:
Քնից առաջ յոգուրտ` 1 թեյի գդալ մեղրով:
