01:22 Ֆրանսիան վստահ հաղթանակ է տոնում (տեսանյութ) | |
Րոպեներ առաջ ավարտվեց ԱԱ-2014- E խմբի Ֆրանսիա-Հոնդուրաս հանդիպումը: Ի սկզբանե ֆավորիտ համարվող ֆրանսիացիները վստահ հաղթանակ տարան հոնդուրասցիների նկատմամբ: Հանդիպման սկզբնամասում ֆրանսիացիների խաղը չէր ստացվում և հաշիվը բացվեց միայն 1-ին խաղակեսի ավելացված ժամանակում՝ շնորհիվ այն բանի, որ Պալասիոսը սեփական տուգանային հրապարակում խախտեց կանոնները, ինչին հաջորդեց մրցավարի՝ արդեն 2-րդ դեղին քարտը Պալասիոսին և նրա հեռացումը խաղադաշտից և, իհարկե, Կարիմ Բենզեմայի հստակորեն իրացրած 11 մետրանոց հարվածը: 10 հոգով մնացած հոնդուրասցիների նկատմամբ առավելությունը պահպանելը մեծ դժվարութոյւններ չառաջացրեց ֆրանսիացիների համար: Երկրորդ խաղակեսի սկզբնամասում՝ 48-րդ րոպեին, Բենզեման կարող էր դուբլի հեղինակ դառնալ, սակայն խփված գնդակը գրանցվեց Հոնդուրասի հավաքականի դարպասապահ Վալյադարեսի անվան դիմաց, քանի որ նրա հպումից հետո գնդակը շեղեց ուղղությունը: Սակայն Բենզեման, այնուամենայնիվ, դարձավ դուբլի հեղինակ՝ 72-րդ րոպեին գնդակն ուղարկելով Վալյադարեսի պաշտպանած դարպասը վերջակետ դնելով այս հանդիպմանը: Ֆրանսիա-Հոնդուրաս՝ 3:0: Այս արդյունքից հետո Ֆրանսիայի հավաքականը E խմբի առաջատարն է դառնում:
| |
|
| |
| Всего комментариев: 0 | |
