ArmHitS

Ladynews.am-ի «Քո հարցը» շարքի հերթականհյուրն է Ավետ Բարսեղյանը:

Նունե - Ինչո՞վ եք զբաղված, այժմ ո՞րն է Ձեր հիմնական զբաղմունքը:

-Հանրային հեռուստատեսություն, հանրային ռադիո, երգեր, համերգներ...Այն ամենն, ինչով միշտ եմ զբաղված եղել:

Նանե -Ի՞նչ եք կարծում գեղեցիկ են հասարակ հագուկապով, արտաքինով աղջիկները, թե՞ հատուկ ընտրված հագուստով և գեղեցիկ դիմահարդարմամբ:

-Նայած` որտեղ: Չեմ սիրում, երբ առօրյայում աղջիկները շատ են դիմահարդարվում: Անկեղծ ասեմ` աչքս շոյում են հասարակ, ամենօրյա, միևնույն ժամանակ` ճաշակով ու գեղեցիկ հագուկապով աղջիկները:

Լանա - Ձեր բնավորության մեջ կա՞ մի գիծ, որը կուզեիք չլիներ:

-Այո´, շուտ ընկճվելը, բռնկվելը համարում եմ բնավորությանս վատ գծերը:

Նարե - Ի՞ն չ գրականություն եք ընթերցում հիմա:

-Այն, որ կարդալ շատ եմ սիրում, հայտնի է: Հիմա կարդում  եմ էզոթերիկ գրականություն, հոգեբանական, մասնավորապես` անձը վերլուծող, միջանձնային հարաբերությունների մասին գրքեր:

Գոհար -Որպեսզի մարդը հնարավորություն ստանա դառնալու Ձերմ տերիմ ընկերը, նրա հետ առաջին հերթին ի՞նչ ընդհանուր բան պետք է ունենաք:

-Իմ ընկերը լինելու կարևոր նախապայմաններից է կյանքի հանդեպ դրական «տեսողություն»  ունենալը:

Նարինե - Ի՞նչ է Ձեզ համար Աստված: Հավատո՞ւմ եք անդրշիրիմյան կյանքին:

-Որպես հայ քրիստոնյա` հավատում եմ Աստծուն, Հայ Առաքելական եկեղեցու հետևորդ եմ: Հավատում եմ` Հոգու գոյությանը, փորձում եմ հնարավորինս քիչ մեղքեր գործել. հավատում եմ Աստծու դատաստանին:

Հայկ - Տղամարդ-կին հարաբերություններում ամենից շատ ի՞նչն եք կարևորում:

-Կարևորում եմ` հենց  այդ բառերի մեջ եղած խորհուրդը: Ինքս ծայրահեղ ավանդապաշտ չեմ, բայց այդ առումով ինքս ինձ համարում եմ հայ արմատներին մոտ, ավանդասեր մարդ: Զույգերը պետք  է մի ուղությամբ նայեն, լինեն միմյանց թև ու թիկունք, միմյանց մեջ գտնեն լրացում, գտնեն Սեր: Չեմ սիրում մեխանիկական զույգեր, ովքեր մեխանիկորեն են կցված միմյանց, սիրում եմ, երբ զույգերի միջև զգացմունք եմ տեսնում:

Կարինե -Ո՞վ է Ձեզ համար ամենաթանկ մարդը:

-Հիմա իմ ընտանիքը` մայրս, քույրս… Հետագայում կլինեն երեխաներս:

Դավիթ – Կուզեի՞ք ապրել մի երկրում, որտեղ….Ավարտեք խնդրում եմ…

-Կուզեի ապրել մի երկրում, որի անունն է Հայաստան, մայրաքաղաքն է Երևան, և չկան այն խնդիրները, որոնք առկա են այսօր:

Սոնա- Սիրելի կնոջից տղամարդու ամենամեծ ակնկալիքը ո՞րն է` ըստ Ավետ Բարսեղյանի:

-Կողակից լինելը, ոչ թե` կողով:

Հասմիկ -Ո՞րն է Ձեր երջանկության բանաձևը:

-Ինչպես իմ երգերից մեկում եմ գրել, երջանկությունը երկու բայի մեջ է` Սիրել և Սիրվել:

Շողիկ Գալստյան- Հիշում եմ՝`երբ երկու տարի առաջ զրուցում էինք, հարցրեցի` ում է մինչ օրս փնտրում Ավետ Բարսեղյանը, ասացիք՝ Ձեր կեսին: Գտե՞լ եք:

-Դեռ ոչ, դեռ սպասում եմ իմ կեսին: