00:14 2014 թվականի 7 ամենաանհեթեթ դաջվածքները (PHOTO) | |
Մարդիկ ինչ դաջվածք ասես չեն պատվիրում: Օրինակ՝ այս տղամարդը ցանկացել է ինչ-որ էժանագին գրչի եռաչափ պատկեր դաջել ականջի հետևում: Նա հավանաբար այս դաջվածքի օգնությամբ ցանկացել է ընդգծել, որ ինքը ուստա սափրագլուխն է:
Այս տղան իր ճակատին դաջել է «Monster» (հրեշ) բառը: Չբավարարվելով այդքանով՝ նա «Monster» բառի սկզբնատառով դաջվածք է արել աչքի տակ: Դե մենք, իհարկե, չենք կարող ժխտել, որ դաջվածքների գույնը շատ է սազում նրա աչքերի գույնին, բայց մի՞թե արժեր դրա համար դաջվածքով պատել ճակատը և այտը: Իսկ միգուցե նա պարզապես ցանկացել է այդ կերպ արտահայտել իր հրեշավոր անհատականությո՞ւնը:
Այս աղջկա մայրը դեմ էր, որ նա այսպիսի դաջվածք աներ իր փորին, սակայն նա համառորեն պնդեց իրենը, իսկ երկու տարի անց զղջաց ու մորն ասաց.
Այս աղջիկը ինքնահռչակ «Տիկին Դաջվածքն» է: Նա իր ողջ ճակատը պատել է մի դաջվածքով, որի մեջ մեծատառերով գրված է «MRS TATTOO»: Երբ նա մի փոքր մեծանա, գուցե զղջա դեռահասության շրջանում ընդունած այս որոշման համար և ճակատը ծածկի մազերով կամ գլխարկներով:
Այս աղջիկը որոշել է յուրօրինակ մոտեցում դրսևորել և դաջվածք անել ոչ այլուր, քան թևի տակ: Նրա թևի տակ դաջված է նորածին երեխային խժռող շնաձուկ:
Անօգնական հայացքով այս կատուն շատ տարօրինակ ուղերձ է փոխանցում՝ «Ես ոչնչի համար չեմ զղջում»: Միայն այս շփոթված կատվի աչքերի արտահայտությունը ճիշտ հակառակն է հուշում: Ախր ինչպե՞ս մարդ կարող է ոչնչի համար չղջալ: Մարդը գուցե չի կարող, բայց կատուն կարող է:
Այս դաջվածքի տերը ցանկացել էր թևին դաջել իր հանգուցյալ քրոջ պատկերը: Սկզբում նա այնպիսի ապաշնորհ մասնագետի էր դիմել, որը բոլորովին աղավաղել էր քրոջ պատկերը: Նրա արած դաջվածքն ավելի շուտ ծաղրանկար էր հիշեցնում: Հետագայում նա դիմեց մի այլ մասնագետի, ով շտկեց առաջինի սխալները: Իհարկե, ամեն մարդ ինքն է որոշում՝ ինչ դաջվածք անել, առհասարակ անել, թե ոչ, սակայն ինչպես այս դեպքն է ապացուցում, դաջվածքը հանգուցյալի հիշատակը վառ պահելու ամենանախընտրելի միջոցը չէ: | |
|
| |
| Всего комментариев: 0 | |
