ArmHitS

Աշխարհի տարբեր անկյուններում քաղաքների ու բնության միջև ինչ-որ տեղ թաքնված փոքրիկ բնակավայրեր կարելի է գտնել, որոնք ասես անիրական լինեն: Ահա դրանցից 18-ը, ուր իսկապես արժե այցելել:

 1  Գարմիշ-Պարտենկիրչեն, Բավարիա, Գերմանիա

Գարմիշ-Պարտենկիրչենը մոտ 3000 մ բարձրություն ունեցող Զուգսպիցե լեռան լանջին գերմանական հմայիչ քաղաք է: Ի սկզբանե այս քաղաքը երկու առանձին բնակավայրերից էր բաղկացած, սակայն 1936թ.-ի Ձմեռային օլիմպիական խաղերի անցկացման ժամանակ դրանք միավորել են որպես մեկ բնակավայր:

 2  Գյուղ Հիմալայան լեռներում, Տիբեթ

Այս փոքրիկ գյուղն այն մի քանի բնակավայրերից մեկն է, որոնք կառուցվել են թաքնված Հիմալայան լեռներում` վանքերին աջակցելու համար, որտեղ կարելի է հասնել միայն ոտքով ու ձիու օգնությամբ:

 3  Ռեյն, Նորվեգիա

Ռեյնը յուրահատուկ ձկնորսական գյուղ է, որը կարելի է գտնել արկտիկական Մոսկենեսոյա գեղեցիկ կղզում: Նորվեգիայի ամենագեղեցիկ գյուղը համարվող այս նավահանգստային բնակավայրում բնակչության թիվը ընդամենը 329 է:

 4  Գասադալոր գյուղ, Ֆարոյան կղզիներ

Ֆարոյան կղզիները կղզիների շղթա է Շոտլանդիայի հյուսիսում: Կղզիները տարիներ շարունակ դժվարահաս են իրենց բարձրաբերձ ժայռերով` ունենալով միայն մեկ աստիճանահարթակ, որը կառուցվել է Երկրորդ աշխարհամարտի տարիներին՝ բրիտանական օկուպացիայի ժամանակ: 700 մ բարձրության վրա գտնվող այս փոքրիկ գյուղն ընդամենը 18 բնակիչ ունի:

 5  Կոլմար, Ֆրանսիա

Կոլմարը համարվում է աշխարհի գինիների մայրաքաղաքը: Այն կառուցվել է 1200-ականներին, երբ Եվրոպայի մեծ մասը Հռոմեական կայսրության տիրապետության տակ էր գտնվում: Միջնադարյան փողոցներով անցնող ջրանցքների պատճառով այս փոքրիկ քաղաքը հաճախ «Փոքրիկ Վենետիկ» են կոչում:

 6  Մարսաքսլոք, Մալթա

Ք.ա. առաջ 900թ.-ին հիմնադրվեց Մալթայի Մարսաքսլոք առևտրային նավահանգիստը: Այսօր այն ամենագեղեցիկ բնակավայրերից մեկն է, որ կարելի է գտնել մեր մոլորակում:

 7  Բլեդ, Սլովենիա

Անկրկնելի գեղեցկություն ունեցող լեռներով պատսպարված Բլեդ բնակավայրը հիմնադրվել է 1004թ.-ին: Բնակչության թիվն այստեղ հասնում է 5000-ի:

 8  Հոլսթաթ, Ավստրիա

Ավստրիայի այս փոքրիկ քաղաքն ամենահին բնակավայրն է` հիմնադրված լինելով Ք.ա. 5000թ.-ին: Հոլսթաթը դեռ հին ժամանակներից հայտնի է իր աղի հանքերով:

 9  Մանարոլա, Իտալիա

Մանարոլան քարե գունագեղ տներով ծովափնյա փոքրիկ քաղաք է, որը այդ տարածաշրջանի ամենահին բնակավայրն է: Քաղաքի եկեղեցին կառուցվել է 1338թ.-ին: Այսօր քաղաքը հայտնի է իր յուրահատուկ գինիով ու Անտոնիո Դիսկովոլոսի գեղանկարներով, ով զարդարել է այս քաղաքը:

 10  Աննեսի, Ֆրանսիա

Աննեսին ֆրանսիական Ալպերի ամենագեղեցիկ բնակավայրերից մեկն է, որը կառուցվել է 14-րդ դարում:

 11  Գորեմ, Թուրքիա

Գորեմը կառուցվել է Հռոմեական դարաշրջանում՝ քարային յուրահատուկ բնական կազմավորումների մեջ: Շատ շինություններ փորվել են հենց բնական քարային հսկայական բեկորների մեջ:

 12  Լիվենուորթ, Վաշինգթոն, ԱՄՆ

Չնայած Լիվենուորթը գտնվում է ԱՄՆ-ում, այնուամենայնիվ, այն կարելի է շփոթել եվրոպական բնակավայրի հետ, քանի որ կառուցված է բավարական գյուղերի մոդելով: Բնակավայրը կառուցվել է 1906թ.-ին, սակայն 1962թ.-ին վերակառուցումից հետո այն ամբողջովին վերափոխվել է՝ ընդունելով այսօրվա տեսքը:

 13  Քուինսթաուն, Նոր Զելանդիա

Քուինսլենդը կառուցվել է Ուակատիպու լճի մոտ: Մի կողմից լճի, մյուս կողմից լեռների անկրկնելի բնապատկերները ապշեցուցիչ հմայք են հաղորդում այս բնակավայրին, որը հիմնադրվել է 1860թ.-ին ու ոսկու հանքերի հայտնաբերվելուց  հետո արագ բարգավաճել ու ծաղկել:

 14  Լեռնային գյուղ Ջիուժայգու, Չինաստան

Այս բնակավայրի մասին շատ բան հայտնի չէ, բացի նրանից, որ այն ժամանակին ռազմական նպատակներով է օգտագործվել: Այսօր այստեղ կարելի է հասնել միայն ձիերով: Բնակավայրը յուրահատուկ վայր է, որտեղ կարելի է ականատես լինել Չինաստանի դասական մշակույթին:

 15  Շիրակավա-գո գյուղ, Ճապոնիա

Շիրակավա-գոն փոքրիկ ավանդական գյուղ է, որը հայտնի է տների տանիքների յուրահատուկ կառուցապատմամբ, որոնք միտված են դիմակայելու ամենածանր ձնային տեղումները: Թավուտ ու խորհրդավոր անտառներով բլուրներով շրջապատված այս գյուղը կառուցվել է այնպիսի վայրում, ուր դժվար կլինի հասնել ու գրավել:

 16  Մորո դե Սան Պաուլո, Բրազիլիա

Մորո դե Սան Պաուլոն հանգիստ բնակավայր է, որտեղ կարելի է հասնել միմիայն նավակով կամ չարթերային թռիչքով, քանի որ կղզում մեքենաներն արգելված են: Նախկինում այս քաղաքը ծովահենների համար որպես ապաստարան է ծառայել:

 17  Էրիսեիրա, Պորտուգալիա

1200-ականներին հիմնադրված 7000-անոց բնակչություն ունեցող այս բնակավայրը 40 լողափ ունի, այնպես որ, այստեղ բազմաթիվ վայրեր կան, որտեղ կարող եք վայելել ձեր ծովափնյա հանգիստը: 

 18  Իտտոքորտուրմիթ, Գրենլանդիա

Թե գյուղի անունն արտասանելը, թե այստեղ հասնելը կարող է չափազանց բարդ լինել, սակայն պետք է նշել, որ իսկապես արժե հաղթահարել այդ դժվարությունը: Իսլանդիայից Գրենլանդիա կարող եք հասնել շաբաթական մեկ օր տեղի ունեցող չվերթով, իսկ արդեն այստեղ հասնել ուղղաթիռով: